Oleh Iswan Sual
mana itu
tu ngana cumucumu
mana itu
tu ulangulang ngana bilang
mana itu
tu salalu beking sorga talinga
mana itu
cuma di mulu!
Puisi Manado
Rabu, 22 Mei 2013
mangada kita
Oleh Iswan Sual
mangada kita amico
Lolombulan senyum stenga hati
kyapa? kita batanya
ternyata dia nda snang, tu penguasa curi tana
Picuan bakubunung, ada orang cari untung
mangada kita amoko
Sinonsayang bahaga mara
kyapa? kita batanya
ternyata dia nda suka, tu penguasa yang sambarang
jual tambang atas nama investasi
mangada kita amonge
mangada kita ameko
disana sini dorang sasaja
mar kyapa sto rayat masi percaya!
mangada kita amico
Lolombulan senyum stenga hati
kyapa? kita batanya
ternyata dia nda snang, tu penguasa curi tana
Picuan bakubunung, ada orang cari untung
mangada kita amoko
Sinonsayang bahaga mara
kyapa? kita batanya
ternyata dia nda suka, tu penguasa yang sambarang
jual tambang atas nama investasi
mangada kita amonge
mangada kita ameko
disana sini dorang sasaja
mar kyapa sto rayat masi percaya!
O weta e Minahasa
Oleh Iswan Sual
O weta e Minahasa
depe bae tinggal nama
tu parampuang suka jual diri di Papua
tu laki-laki jadi pandeta tukang isap dara
O weta e Minahasa
dorang so lupa Lumimuut deng Toar
samua skola tinggi cari gelar
dapa jabatan, kong injang torang, padahal kawanua
O weta e Minahasa
mapalus nda depe guna
nuwu' in tu'a nda ada depe tampa
O weta e Minahasa
O weta e Minahasa
depe bae tinggal nama
tu parampuang suka jual diri di Papua
tu laki-laki jadi pandeta tukang isap dara
O weta e Minahasa
dorang so lupa Lumimuut deng Toar
samua skola tinggi cari gelar
dapa jabatan, kong injang torang, padahal kawanua
O weta e Minahasa
mapalus nda depe guna
nuwu' in tu'a nda ada depe tampa
O weta e Minahasa
Rupa Setang
Oleh Iswan Sual
Kalu ngoni tau, kita so gila
gila karna ni dunia so nda war
orang basambunyi di blakang agama
spaya dapa tampa aman
Kalu ngoni tau, ngoni tu lebe gila
samua tu ajaran ngoni langgar
kong stel basombong pake stola
mar kalakuang rupa setang!
Kalu ngoni tau, kita so gila
gila karna ni dunia so nda war
orang basambunyi di blakang agama
spaya dapa tampa aman
Kalu ngoni tau, ngoni tu lebe gila
samua tu ajaran ngoni langgar
kong stel basombong pake stola
mar kalakuang rupa setang!
BAGINI
Iswan Sual
bagini, kalu ngana nda datang
samua ini masi sama deng dulu
nda banya beban
tahang saki yang ngilu
bagitu lei, kalu kita nda trima
samua masi itu itu
masi batahang
biar sandiri batunggu
bagini, kalu ngana nda datang
samua ini masi sama deng dulu
nda banya beban
tahang saki yang ngilu
bagitu lei, kalu kita nda trima
samua masi itu itu
masi batahang
biar sandiri batunggu
Subuh di dermaga Tahuna
oleh Iswan Sual
pagi belum buka mata.
aku berlari ke dermaga.
susul seorang wanita.
ke Marore bawa pesan
lama menunggu.
bukit diselimuti kabut tipis.
mentari enggan tunjukkan wajah.
angin belaiku mesra
riak meraba pantai lembut.
kapal-kapal itu berdempet akrab.
aku terpana haru.
saksikan ikan-ikan menari berkeriap
kecil mungil mereka.
mematuk-matuk dinding.
kutulis syair dalam kalbu.
puja cipta sang Maestro
pagi belum buka mata.
aku berlari ke dermaga.
susul seorang wanita.
ke Marore bawa pesan
lama menunggu.
bukit diselimuti kabut tipis.
mentari enggan tunjukkan wajah.
angin belaiku mesra
riak meraba pantai lembut.
kapal-kapal itu berdempet akrab.
aku terpana haru.
saksikan ikan-ikan menari berkeriap
kecil mungil mereka.
mematuk-matuk dinding.
kutulis syair dalam kalbu.
puja cipta sang Maestro
Langganan:
Postingan (Atom)